魔爪文学

手机浏览器扫描二维码访问

第22章（第1页）

“准备太仓促了，我回去好好叫理一理，帮伊对接好。”小汤知道老板那天找她谈的几个想法都没落实，这是在委婉地提出批评。“还好昨日子额电话蛮有故事性额，老百姓就欢喜听搿种离婚牢、轧姘头牢、吵相骂牢啥，小汤把握嘞蛮好，又避开了敏感问题。”老秦还是以肯定和鼓励为主，毕竟刚开头，气可鼓而不可泄。“老板侬老仔细额喏。我一听到伊讲巡捕房牢，开枪牢啥，头也大了。再拨伊讲下去，阿拉要关门快了。”“是额呀，上头抓嘞老紧额。倷教书先生勿晓得，阿拉天天像戴了手铐跳舞一样额。弄嘞勿好吃官司。”“一样一样，前一呛阿拉娘舅额《文汇报》勿是也停脱了。”“形势一歇变一歇变，也勿晓得租界撑得下去伐？”老范笑笑，摸了摸袋子，想拿根烟抽，见有女士在场，又不好意思。老秦递上一根烟：“去吃去阳台吃。”老范烟瘾挺大，一时半会儿回不来。汤小姐不失时机地说：“现学现卖，我打算嘞节目里厢朗读古文，像募捐一样，分几个档次，激励大家收听。”“好，总算有创新。其他节目里还没听到过。”“一方面显得阿拉节目有眼文化水平，一方面也覅浪费倷请先生额钞票。”“想得蛮周到。”老秦显然很满意这个做法，培养一个主持人不容易，小汤有灵气，一点就通，没有让老板失望。“三友额促销也搿能搞，我去帮卢代表商量。分级别，刺激消费。”“每天做好节目，自家总结一下，心得体会记下来，提高嘞快。接额电话，读额信，分分类，下趟合起来可以出书，又可以作为三友额赠品。既增加侬额知名度，又帮三友做了宣传，两吃。”老秦的主意，现在也很流行，叫内容变现，多维度开发。“跟人家电影明星印照片一样。”“侬下趟也要拍宣传照，侬是阿拉门面！电影明星一样！人家听众要签名照片，侬要有准备。”老秦已经做好了小汤成名的打算。两人又复盘了一会儿，老范抽完烟回来了：“听人家讲，汤小姐老早上过国文课？”“上过一眼眼，勿多。”“汤小姐算有眼底子哦。侬覅当伊零基础。能够进华东电台侪勿推板哦。”老秦知道，小汤刚出来打工那会儿，挣了钱一部分补贴家用，一部分拿来上学，清早去沪江英专补习英语，晚上去冠宇国专补习古文，后来又上了银行会计和簿记会计等课，进了电台做会计。“好啦，倷上课，我出去一趟。”范老师正襟危坐，掏出一本《古文观止》：“侬先试试看，读一读《滕王阁序》。王勃年纪蛮轻额辰光，有一趟参加饭局，一记头写出了搿篇文章，流传千古。”小汤认真读了起来：“豫章故郡，洪都新府。星~分~后头勿认得啦。”“星分翼轸，地接衡庐。是讲洪州，就是南昌搿块地方，是翼、轸二颗星宿所对牢额地面，跟衡山搭之庐山接壤。”小汤读一句，老范解释一句，把文章大意捋了一遍。老范让她回去好好背诵，以后在节目里播。“社会上讲故事、接电话嘎讪胡的节目多了，多数是道听途说，添油加醋，或者是讲眼怪力乱神，瞎七搭八额物什。侬跟伊拉要有区别。实际上，古文里厢，也有写神话传奇，写妖魔鬼怪额，最后落脚点一定是善恶有报，有教育意义。做节目搭之写文章一样，要畀人家有所启迪，有所收获。侬声音嘎好听，朗读古文很有味道，听众一定会欢喜搿种有文化底蕴额节目。”上完了课，汤小姐请范老师吃德兴馆，给老师点了一碗苏式焖肉面，自己点了一碗爆鱼面，两人边吃边聊。“范老师为啥一直戴太阳眼镜啊？”聊到热络了，小汤才敢问。“吾小辰光，勿欢喜看书。阿爹要吾读经书，吾勿肯。姆妈囥了交关小说搭仔弹词，吾倒老欢喜额。偷偷囥垃枕头下头，夜里看早上看，眼镜看坏脱喇。”说罢摘下墨镜，两人大笑。☆、时也命也当天晚上，《汤小姐信箱》“收”到了求医问药的来信。“打开《汤小姐信箱》，侬有困难尽管讲。今朝要讲一桩事体——用了两料救苦丸，调来一位小天使。有一位太太，朱杏生，住垃上海南阳桥锦裕里萧复兴粥店额楼朗上，搭阿拉写了一封信。伊讲，搭老公结婚三四年了，感情一直蛮好。不过伊自家身体比较差，气血亏损，患有经期不调，白带比较多，因此一直没怀孕。伊老公倒无所谓，是婆婆比较急，几次三番请医生问菩萨。搿种事体急是急勿来额呀，越急越没用。今年年初额辰光，医生帮伊配了一只简单额药方，吃了两粒救苦丸，结果侬猜哪能？身体调理好了，毛病侪没了，现在已经大肚皮三个多月头，伊讲等小人生下来一定要请医生吃喜蛋。搿桩事体真叫，天下便宜事，诚莫过于此。毕生欢喜事，亦莫过于此！阿是啦？迭只救苦丸，专门治疗妇人生理上各种病症。每粒一元，是上海南京路额三友实业社出品额，电话购货请拨九一五。大家可以根据自家额情况，问问医生，要勿要吃。侬如果有啥要咨询额，或者想搭大家分享额，可以写信畀我。来信请寄广西路465号，华东电台汤小姐收。”

请关闭浏览器阅读模式后查看本章节，否则将出现无法翻页或章节内容丢失等现象。